Share on facebook
Share on twitter
Share on linkedin
Share on whatsapp
Share on email

Primeiras probas do almorzo con copos de castaña

Como ben seguro vos lembraredes, estamos colaborando co Centro Tecnolóxico da Carne(CETECA) e a Aula de Produtos Lácteos da Universidade de Santiago de Compostela nun proxecto de investigación para desenvolver produtos derivados da castaña, máis concretamente bebida vexetal, un almorzo e un petisco. Trátase dun proxecto pioneiro que buscar revalorizar a castaña a través de novos productos.

Amarelante coordina o proxecto, ademais de encargarnos de proporcionar a materia prima. 

Hai uns días tivemos xa unha “cata” das primeiras propostas recibidas, neste caso no referente aos copos de castaña para o almorzo. Así, as compañeiras e compañeiros do CETECA enviáronnos dúas variantes do produto elaborado para o almorzo. Unha delas, ademais, vegana.

O resultado encantounos (podedes velo nas imaxes). Probamos as dúas variantes de copos, intercambiamos opinións, ocorríronsenos novas ideas partindo do produto que xa tiñamos. Despois, todas esas impresións transmitímosllelas aos compañeiros e compañeiras do CETECA, que seguen mellorando o produto xa presentado.

Estamos desexando ver (e probar!) o resultado final e presentárvolo. Estamos seguras de que vos vai gustar tanto como a nós.

O proxecto, cuxo nome completo é “Desenvolvemento de novos produtos da dieta atlántica derivados da castaña”, conta cun orzamento de 89.000,00 euros, subvencionado ao 80% e financiado un 75% con fondos FEADER da Unión Europea, 22,5 % fondos propios da Xunta de Galicia e 2,5 % de fondos do MAPA. O período de execución prolongarase ata xuño de 2022.

Share on facebook
Share on twitter
Share on linkedin
Share on whatsapp
Share on email

Deixa unha resposta

O teu enderezo electrónico non se publicará Os campos obrigatorios están marcados con *