LAT: 42° 18′ 7.452” N LONG: 7° 13′ 47.2908” W
Amarelante Sociedade Cooperativa Galega nace no 2013 co obxectivo de recuperar os soutos abandonados e reactivar a produción de castañas de calidade, elaborando produtos con valor engadido comercializados baixo o selo de Castañas de Galicia.
Rexímonos polos principios de sostibilidade, xustiza social e respecto polo medio rural, valores que nos levaron a especializarnos na venda de castañas e noutros produtos derivados. Por todo iso, queremos ser unha cooperativa referente para os consumidores que queren comprar castañas en Galicia, principalmente as da variedade amarelante, unha das de mellor calidade do mercado polo seu calibre.
Detrás deste proxecto estamos Sonia, Óscar, Marcos, Natalia, Félix, Davide, Iria, Lito e Luz, os nove socios e socias aos que nos chamaron “tolos, idealistas ou utópicos” cando iniciamos a nosa particular aventura entre castiñeiros.
Ofrecemos produtos de máxima calidade, seguindo procesos naturais e optando polos formatos de presentación que mellor conservan os alimentos. Ademais da venda de castañas secas tratadas nun secadeiro alimentado con biomasa, elaboramos e comercializamos fariña de castaña e bica de castaña. En tódolos casos, o ingrediente base distintivo é a castaña amarelante do Macizo Central Ourensán.
Castañas tratadas nun secadeiro alimentado con biomasa. Un método tradicional aplicado por Amarelante para poder consumir castañas todo o ano. Sen aditivos nin conservantes e libres de glute.
Desde Amarelante traémosvos unha receita para elaborar un pan san e riquísimo con castañas e fariña de castañas.
Un producto sen glute, cun alto poder nutritivo, sen conservantes e, por suposto, 100 x 100 natural. Desde Amarelante contámosche as propiedades da fariña de castaña e como podes usala.
Hoxe no blogue de Amarelante traémosvos unha receita sinxela e san: curri de verduras e castañas. Toma nota e atrévete a preparar esta receita.
O compromiso de Amarelante coa natureza é clave na recuperación dos soutos e na revitalización do medio rural. Sen iso non existiría a nosa castaña amarelante única. Coñece no blogue todas as novidades e os nosos proxectos.
As castañas secas, a fariña e a bica de castaña son o resultado dunha elaboración totalmente natural. Tras a recollida manual das castañas, nas nosas instalacións seguen os procesos seguintes: secado, pelado, selección e moenda. Non usamos ningún conservante nin produto químico que altere a composición dun froito con múltiples propiedades. Entre os beneficios das castañas para a saúde destaca o seu aporte de hidratos de carbono, fósforo, ferro ou ácido fólico.
Aviso legal · Política de privacidade · Política de cookies
2020 Amarelante Sociedade Cooperativa Galega · Web ⟶ Charrúa
