Audiovisual do Grupo Operativo SUEROVAL

Presentámosvos o audiovisual do Grupo Operativo SUEROVAL, un proxecto no que participa Amarelante Sociedade Cooperativa Galega.

SUEROVAL busca revalorizar o soro de queixería que, mesturado con fariña de castaña, permitirá obter un aditivo 100% natural e de alto valor alimentario para elaborar tres novos produtos: barritas enerxéticas, snacks e flocos.

Ademais de Amarelante, no Grupo Operativo participa:

• Queixos Castelo de Brañas SL (lidera o proxecto).
• Fundación Empresa Universidad Gallega (FEUGA) .
• Centro Tecnolóxico da Carne (CTC).
• Trasdeza Natur S. Coop Galega.
• Grupo de Aplicacións Enerxéticas Sostibles da Universidade de Santiago de Compostela (USC) como entidade colaboradora.

No vídeo móstrase como o consorcio traballou no desenvolvemento de novos produtos alimentarios sostibles e innovadores, combinando investigación, tecnoloxía e creatividade para promover a economía circular e reducir o desperdicio de recursos naturais.

O audiovisual permite coñecer de primeira man os procesos, resultados e obxectivos de SUEROVAL, destacando a importancia da sustentabilidade, a innovación e o valor engadido dos produtos derivados do soro e da castaña.